საქართველოსა და აშშ - ს შორის უსაფრთხოებისა და თავდაცვის სფეროში თანამშრომლობა თვისობრივად ახალ ეტაპზე გადავიდა. პენტაგონში აშშ - საქართველოს შორის უსაფრთხოების სფეროში თანამშრომლობის ჩარჩო - ხელშეკრულება გაფორმდა. ირაკლი ღარიბაშვილის განცხადებით, საქართველოსა და აშშ - ს შორის პარტნიორობა არასდროს ყოფილა ასეთი ძლიერი და ხელმოწერილი დოკუმენტი ძლიერი ალიანსისთვის მდგრად საფუძველს ქმნის. ჩარჩო - ხელშეკრულება სრულ შესაბამისობაშია თავდაცვის ძალებში მიმდინარე რეფორმებთან, რომელიც მიზნად ისახავს მზადყოფნისა და მდგრადი შესაძლებლობების განვითარებასა და თავდაცვის ძალების მოდერნიზაციას.
0 Comments